Ինտերը բանավոր պայմանավորվածություն է ձեռք բերել Մխիթարյանի հետ

Իտալիայի փոխչեմպիոն Ինտերը ցանկանում է թիմ հրավիրել Ռոմայի կիսապաշտպան Հենրիխ Մխիթարյանին։ Նշվում է, որ միլանյան ակումբն ու ֆուտբոլիստը բանավոր համաձայնության են հասել, և Ինտերը կապ է հաստատել Ռոմայի ղեկավարության հետ։ Այս մասին հայտնում է իտալացի լրագրող Ֆաբրիցիո Ռոմանոն։

Հիշեցնենք, որ Մխիթարյանի պայմանագիրը Ռոմայի հետ ավարտվում է ամռանը։ Այնուամենայնիվ, չի բացառվում, որ Մխիթարյանը կերկարաձգի պայմանագիրը, եթե Ռոմայից բարելավված պայմաններով առաջարկ ստանա։