Գերմանիայի ֆինանսների նախարար Քրիստիան Լինդները դեմ չէ է ռուսական պետական ակտիվների «բռնագրավման» գաղափարին՝ Ուկրաինայի վերականգնումը ֆինանսավորելու համար։
«Ես քաղաքականապես բաց եմ ռուսական Կենտրոնական բանկի արտասահմանյան ակտիվների ձերբակալման գաղափարի համար»,- գերմանական Handelsblatt գործարար օրաթերթին տված հարցազրույցում ասել է Լինդները՝ հավելելով, որ այդ ուղղությամբ առաջարկներն արդեն քննարկվում են G7-ում եւ Եվրոպական միությունում։
«Մասնավոր ակտիվների դեպքում մենք պետք է տեսնենք, թե օրենքի տեսակետից ինչն է հնարավոր»,- հավելել է Լինդները: «Մենք պետք է հարգենք օրենքի գերակայությունը, նույնիսկ եթե գործ ունենք ռուս օլիգարխների հետ»։
Եվրամիության հարկաբյուջետային քաղաքականության վերաբերյալ Լինդները նշել է, որ կարող է փոխզիջումների գնալ ԵՄ պարտքային կանոնների հետագա կարգավորման հարցում:
0Comments