Էրդողանի վարկանիշը կրկին ընկել է․ Հետազոտություն

Առաջատար Metropoll ընկերության ապրիլյան հետազոտության տվյալներով՝ հարցման մասնակիցների 42,1 տոկոսը հայտարարել է, որ հավանություն է տալիս նախագահի պաշտոնում Թուրքիայի նախագահ Ռեջեփ Թայիփ Էրդողանի աշխատանքին, հաղորդում է Ahval-ը:

Էրդողանի գործունեությանը հավանություն չտվածների թիվն ապրիլին աճել է 3,3 տոկոսով՝ հասնելով 53,6 տոկոսի, մինչդեռ չպատասխանողների մասնաբաժինը մարտի 6,5 տոկոսից նվազել է մինչեւ 4,3 տոկոս։

Էրդողանի վարկանիշը բարձրանում է 2021 թվականի դեկտեմբերից՝ մարտին հասնելով 43,3 տոկոսի։

Նրանց թվում, ովքեր ասել են, որ կքվեարկեին Էրդողանի իշխող «Արդարություն եւ զարգացում» կուսակցության օգտին, եթե ընտրություններն անցկացվեին առաջիկա կիրակի օրը, նախագահին սատարողների թիվը կազմել է 91,9 տոկոս, ինչը մի փոքր ցածր է մարտյան 93,3 տոկոս ցուցանիշից:

Նախագահի սատարելու ամենացածր մակարդակը գրանցվել է աջ կենտրոնամետ ընդդիմադիր «Լավ կուսակցության» ընտրողների շրջանում, որը հիմնադրվել է Էրդողանի ծայրահեղ աջ «Ազգայնական շարժում» կուսակցության նախկին անդամների կողմից, որը դաշինքի գործընկերն է: «Լավ կուսակցության» ընտրողների միայն 5,5 տոկոսն է հայտարարել, որ հավանություն է տալիս նախագահի գործունեությանը, մինչդեռ 90,8 տոկոսը հայտարարել է, որ հավանություն չի տալիս նրա գործունեությանը:

Metropoll-ն ապրիլի 14-20-ն ընկած ժամանակահատվածում Թուրքիայի 81 նահանգներից 28-ում 2164 մարդու մասնակցությամբ հարցում է անցկացրել։