Սիրելի այցելուներ, մայիսի 1-ին սպասվում ենք ձեզ միասին նշելու Երևանի կենդանաբանական այգու պաշտոնական բացման օրը՝ հայտնում են այգու լրատվական բաժնից:
Օրը կսկսվի շոու ծրագրով՝ «Բումբումիկի» հեքիաթային հերոսների, խաղավարների, «Երևանի Նուբարաշեն մարզամշակութային կենտրոն» ՀՈԱԿ-ի սաների պարային կատարումներով և «Էրեբունի մանկապատանեկան ստեղծագործական կենտորոնի» երգիչների մասնակցությամբ:
Միջոցառման ընթացքում նաև հյուրասիրություն կլինի՝ այգին քաղցր բամբակներ կհյուրասիրի, իսկ հավատարիմ գործընկեր «Օտ Մարտինան» օրն ավելի կքաղցրացնի իր համեղ պաղպաղակների հյուրասիրությամբ: Այգու մուտքը վճարովի է: Միջոցառումները լինելու են թե՛ հանրային տարածքում, թե՛ Այգու ներսում: Մեկնարկը՝ ժամը 11:00-ից:
0Comments