Պենտագոնի ղեկավար Լլոյդ Օսթինը հայտարարել է, որ ԱՄՆ-ն հրաժարվում է մասնակցել Ուկրաինայում ռազմական գործողություններին և այդ երկրի վրա ոչ թռիչքային գոտի սահմանել։ Այս մասին նա խոսել է CNN-ին տված հարցազրույցում։
«Նախագահը հասկացրել է, որ մեր զինվորականները չեն մասնակցի Ուկրաինայում Ռուսաստանի հետ մարտերին»,- ասել է նախարարը՝ հավելելով, որ ոչ թռիչքային գոտու ստեղծումը կնշանակի Միացյալ Նահանգների անմիջական մասնակցությունը։
«Այսպիսով, դա կնշանակի, որ մենք պայքարի մեջ ենք Ռուսաստանի հետ: Սրանք երկու միջուկային տերություններ են, որոնց ոչ ոք չի ցանկանում տեսնել հակամարտության մեջ: Դա լավ չէ տարածաշրջանի համար, դա լավ չէ աշխարհի համար», - ասել է նա:
Պենտագոնի ղեկավարը միևնույն ժամանակ նշել է, որ ԱՄՆ-ն կպաշտպանի ՆԱՏՕ-ի երկրների տարածքի «ամեն թիզը»։
0Comments