Պարեկների մեքենայի սրահ փող նետած վարորդը բերման է ենթարկվել․ ՎԻԴԵՈ

Մանրամասները՝ տեսանյութում
Live24.am-ը ներկայացնում է

Հունվարի 26-ին պարեկային ծառայության Երևանի գնդի 1-ին գումարտակի 1-ին վաշտի ոստիկանները «Զվարթնոց» օդանավակայանի տարածքում նկատել են չթույլատրված վայրում կայանված «Մերսեդես» մակնիշի մեքենա։

Այս մասին տեղեկացնում է ՀՀ ոստիկանությունը:

Բարձրախոսով հայտարարելուց հետո պարեկներին է մոտեցել մեքենայի վարորդը և վարչական իրավախախտման վերաբերյալ արձանագրություն չկազմելու դիմաց փող է առաջարկել։ Մերժում ստանալուց հետո ցանկացել է փողը նետել պարեկների ծառայողական մեքենայի սրահ։

Երևանի 36-ամյա բնակչին ոստիկանները բերման են ենթարկել «Զվարթնոց» օդանավակայանի գծային բաժին։ Հանգամանքները քննությամբ պարզվում են։