Apple-ը թույլ կտա iPhone-ը վերածել վճարային տերմինալի. Bloomberg

Մանրամասներ
Live24-ը ներկայացնում է

ա

Apple ընկերությունը նախատեսում է iPhone-ում ներդնել բանկային քարտերից վճարների ընդունման գործառույթ, գրում է Bloomberg տեղեկատվական գործակալությունը։

Գործակալության տեղեկության համաձայն՝ նորամուծությունը պաշտոնապես կներկայացվի մի քանի ամիս հետո, iOS օպերացիոն համակարգի թարմացման հետ միասին։

Հնարավորությունը մշակվում է 2020 թվականից, դրա աշխատանքի համար գործադրվել է NFC չիպ, որն օգտագործվում է սմարթֆոնի օգնությամբ գնումներն անկոնտակտ վճարելու համար։

Bloomberg-ի տվյալներով՝ գործառույթը թույլ կտա գործարարներին iPhone-ն օգտագործել որպես վճարային տերմինալ, ինչը նրանց հնարավորություն կտա խնայել միջոցները։ Արդյո՞ք հնարավորությունը հասանելի կլինի Apple սմարթֆոնների բոլոր օգտատերերին՝ առայժմ հայտնի չէ։