Արցախում զորակոչ կլինի

Մանրամասներ
Live24.am-ը ներկայացնում է

1

Արցախի Հանրապետության պետնախարար Արտակ Բեգլարյանը իր ամենամյա մամուլի ասուլիս ժամանակ ներկայացրեց ծրագրերն ու ոլորտները, որոնք իր համակարգման տակ է։

Զորակոչ լինելու է Արցախում։ Հակառակի մասին որոշում չկա․  ասաց ԱՀ պետնախարար Արտակ Բեգլարյանը՝ պատասխանելով հարցին՝ արդյոք բանակը անցնում է լրիվ պայմանագրային ծառայության և 18 տարեկանները չեն զորակոչվելու։

«Անգամ քննարկումներ չկան, որ զորակոչ չի լինելու»,- ասաց Արտակ Բեգլարյանը նշելով, որ ոստիկանական ուժերը ներգրավված են լինելու ներքին անվտանգության ապահովման գործընթացներին։

Արտակ Բեգլարյանն իր խոսքում նաև նշեց, որ իրենց առջև դրված խնդիրներից առաջնային է բնակարանաշինության խնդիրը, որի ուղղությամբ աշխատանքներ են տարվում։

ԱՀ պետնախարարը առողջապահական ոլորտի մասով նշեց, որ նախարարը հանդես կգա առանձին մամուլի ասուլիսով, բայց շեշտեց, որ Արցախում բժշկական ծառայությունն անվճար է։

Կրթության ոլորտում բարեփոխումները ներկայացնելիս Արտակ Բեգլարյանն ասաց, որ Արցախում նախատեսվում է Անանիա Շիրակացու անվան կրթահամալիրի մասնաճյուղը բացել՝ հիշեցնելով, որ նման կրթահամալիր կա նաև Երևանում։

Բեգլարյանը ներկայացրեց սոցիալական ոլորտի առաջնահերթություններն ու առաջիկա անելիքները։ Մանրամասները՝ տեսանյութում։