ՆԱՏՕ-ի գլխավոր քարտուղար Ենս Ստոլտենբերգը հայտարարել է, որ դաշինքը զարգացրել է այնպիսի ակտիվություն, որը գերազանցում է «սառը պատերազմի» ավարտին իր ունեցած հնարավորությունների մակարդակը։ Այս մասին նա խոսել է The Wall Street Journal-ին տված հարցազրույցում։
«Եթե նրա (Վլադիմիր Պուտինի - խմբ.) նպատակն էր նվազեցնել ՆԱՏՕ-ի ներկայությունն իր սահմաններին, ապա նա հասավ ճիշտ հակառակ արդյունքին»,- ասել է Ստոլտենբերգը։
Նրա խոսքով՝ ՆԱՏՕ-ի ուժերի ռեկորդային ընդլայնումը սկսվել է հենց 2014 թվականին Ռուսաստանին Ղրիմի «բռնակցմամբ», և այժմ Եվրոպայում ավելի շատ ամերիկացի զինվորներ կան, քան յոթ տարի առաջ։
«Իրականում, մենք միասին հիմա ավելին ենք անում Հյուսիսային Ամերիկայում և Եվրոպայում, քան շատ տասնամյակների ընթացքում», - ասել է դաշինքի ղեկավարը:
0Comments