Իսրայելը մտահոգված է, որ Իրանը կապահովի անսպասելի պատժամիջոցների թուլացում միջազգային տերությունների հետ միջուկային բանակցությունների վերականգնման ընթացքում, սակայն չի հրաժարվի նախագծերից, որոնք պոտենցիալ ունակություն ունեն ստեղծել միջուկային ռումբեր: Այդ մասին հայտարարել է Իսրայելի վարչապետ Նաֆթալի Բենեթը, հաղորդում է Reuters-ը:
Բանակցությունները կկայանան նոյեմբերի 29-ին Վիեննայում միջուկային գործարքը փրկելու նպատակով, որից ԱՄՆ-ն հրաժարվել էր 2018 թվականին՝ դարձյալ պատժամիջոցներ սահմանելով Իրանի համար: Իսրայելը, որը չի մասնակցում բանակցություններին, ի սկզբանե դեմ էր 2015 թվականի համաձայնագրին՝ համարելով, որ այն չափազանց սահմանափակ է ծավալով եւ գործունեության ժամկետով: Իսրայելի առաջնորդները վաղուց սպառնում են ռազմական գործողություններով Իրանի դեմ, եթե նրանք համարեն, որ դիվանագիտությունը փակուղի է:
«Իսրայելը շատ մտահոգված էր պատժամիջոցները չեղարկելու եւ դեպի Իրան միլիարդավոր դոլարների հոսքը թույլ տալու պատրաստակամությամբ միջուկային ոլորտում ոչ բավարար սահմանափակումների փոխարեն»,-հայտարարել է Բենեթը: «Այդ ուղերձը մենք փոխանցում ենք բոլորին՝ ե՛ւ ամերիկացիներին, ե՛ւ ուրիշ երկրներին, որոնք բանակցությունների են վարում Իրանի հետ»:
Ապրիլից մինչեւ հունիս անցկացվել է ուղիղ բանակցությունների վեց փուլ: Նոր փուլը կմեկնարկի դադարից հետո, որը պայմանավորված էր Իրանի նոր նախագահ Էբրահիմ Ռայիսիի ընտրություններով:
0Comments