Նիկոլ Փաշինյանը վաղ առավոտյան այցելել է Եռաբլուր պանթեոն. ՎԻԴԵՈ

Մանրամասներ
Live24.am-ը ներկայացնում է

ՀՀ վարչապետ Նիկոլ Փաշինյանն այսօր՝ սեպտեմբերի 27-ի վաղ առավոտյան, ժամը 7.30-ի սահմաններում այցելել է «Եռաբլուր» զինվորական պանթեոն: Նա ծաղիկներ է դրել նահատակված զինծառայողների շիրիմներին:

Առանձին Եռաբլուր է այցելել նաեւ փոխվարչապետ Սուրեն Պապիկյանը:

Հիշեցնենք, որ ուղիղ մեկ տարի առաջ՝ 2020 թվականի սեպտեմբերի 27-ին, առավոտյան ժամը 7։10-ին, Ադրբեջանը լայնամասշտաբ ագրեսիա սկսեց Արցախի Հանրապետության դեմ: Միաժամանակ շփման գծի գրեթե բոլոր ուղղություններով թշնամին օդուժի, հրետանու, անօդաչուների կիրառմամբ հարձակում սկսեց՝ այդ թվում հրթիռակոծելով խաղաղ բնակավայրերը։ 

Մարտական գործողություններն ընթացան արցախա-ադրբեջանական շփման գծի ողջ երկայնքով, ինչպես նաև հայ-ադրբեջանական շփման գծի որոշ հատվածներում, եւ տեւեցին 44 օր: