Իրանի ԱԳՆ-ն արձագանքել է Կասպից ծովում թուրք-ադրբեջանական զորավարժություններին ՝ հիշեցնելով ոչ-կասպյան պետությունների զորքերի ներկայության մասին կոնվենցիայի արգելքը:
Պատասխանելով զորավարժությունների վերաբերյալ հարցին ՝ Իրանի դիվանագիտական ծառայության ներկայացուցիչ Սաիդ Խաթիբզադեն ասել է, որ «Կասպիցի իրավական կարգավիճակի մասին» կոնվենցիան դրան հստակ պատասխան է տալիս: Կասպից ավազանի բոլոր հինգ երկրները (Ռուսաստան, Իրան, Ադրբեջան, Ղազախստան, Թուրքմենստան) համաձայնել են, որ այլ պետությունների ռազմական ներկայությունն անօրինական է: Նրա խոսքով՝ «հարցը քննարկվում է ԱԳՆ-ում»:
Հիշեցնենք, որ սեպտեմբերի սկզբին Բաքուն և Անկարան Կասպից ծովում անկացրել են ստորջրյա հարձակման և պաշտպանական մանեւրի մշակման զորավարժություններ:
Թուրքիան, իր հերթին, ավարտում է Իրանի հետ սահմանին կառուցվող բազմակիլոմետրանոց պատը: Իսկ Թուրքիայի արբանյակ Բաքուն կոնկրետ մեղադրանքներ է հնչեցնում Իրանի հասցեին: Մասնավորապես, Հայաստան-Իրան ավտոճանապարհի՝ Բաքվի գրաված հատվածում տեղադրված ոստիկանական անցակետում երկու օր շարունակ ստուգում են իրանական բեռնատարների վարորդներըին և մաքսատուրք պահանջում:
Բաքուն պնդում է, որ իրանական մեքենաները անցնում են իր տարածքով, ինչը նշանակում է, որ նրանք պետք է վճարեն: Սա ոչ միայն Հայաստանի տարածքային ամբողջականության խախտում է, այլև դեմարշ Իրանի դեմ:
Իրանի ԱԳՆ-ն մեկնաբանել է իրավիճակը: Արտաքին գործերի նախարարության խոսնակ Սաիդ Խաթիբզադեն հայտարարել է, որ հարևանների հետ հարաբերություններն առաջնային են Իրանի համար:
«Մենք փորձում ենք Իրանի Իսլամական Հանրապետության հնարավորությունները օգտագործել բոլոր հարևանների մասնակցությամբ տարածաշրջանային զարգացման, խաղաղության և կայունության համար: Մասնավորապես, օրակարգում են մեր հարաբերությունները Հայաստանի, ինչպես նաև մեր մյուս հարևանների հետ», հայտարարել է Խաթիբզադեն։
Դատելով իրադարձությունների ընթացքից, Բաքուն և Անկարան իրանական միջուկային նոր համաձայնագրի նախօրեին պատրաստվում են սադրանքներ իրականացնել Իրանի հյուսիսում: Քրդերի և թուրքախոս իրանցիների միջև վերջին բախումները Իրանի հյուսիսում հետագա առճակատման նախերգանքն են:
0Comments