ՉԺՀ-ի նախագահ Սի Ծինպինը ԱՄՆ-ի նախագահ Ջո Բայդենի հետ հեռախոսազրույցի ընթացքում հայտարարել Է, որ երկու երկրների միջև գոյություն ունեցող խնդիրները չեն համապատասխանում երկու երկրների, ինչպես նաև համաշխարհային հանրակցության հիմնական շահերին, տեղեկացնում Է «Արմենպրես»-ը:
Չինաստանի ղեկավարը նշել Է, որ այն, թե Չինաստանն ու Միացյալ Նահանգները կկարողանան արդյոք միմյանց հետ կարգավորել հարաբերությունները, «կախված Է աշխարհի ապագա ճակատագիրը»: Միևնույն ժամանակ նրանց միջև առճակատումը հանգեցնում Է նրան, որ տուժում են և՛ իրենք, և՛ ամբողջ աշխարհը: Սի Ծինպինն ասել Է, որ Չինաստանը և ԱՄՆ-ը «միմյանց հիմնական խնդիրների հարգման հիման վրա կարող են համագործակցել կլիմայի փոփոխության, համաճարակների կանխման և դրանց դեմ պայքարի, տնտեսության վերականգման հարցերում, ինչպես նաև միջազգային ու տարածաշրջանային հիմնական հարցերում:
Կողմերը «համաձայնել են, որ Չինաստան ու Միացյալ Նահանգներ պետությունների ղեկավարների միջև շփման խորացումը երկկողմ հարաբերությունների և միջազգային հիմնական հարցերի շուրջ շատ կարևոր Է չին-ամերիկյան հարաբերությունների ճիշտ զարգացման համար»: Նրանք պայմանավորվել են շարունակել պահպանել երկկողմ շփումները, ինչպես նաև շարունակել ընդգրկուն երկխոսությունը աշխատանքային մակարդակով՝ «չին-ամերիկյան հարաբերությունների առաջընթաց զարգացման համար պայմաններ ստեղծելու նպատակով», հաղորդել Է «Ինտերֆաքս»-ը:
0Comments