Չիկագոյի բնակչուհին, որը ցանկանում էր շտապ տուն վերադառնալ, որպեսզի որդին բաց չթողնի դասերը, որոշել է հայտնել Ֆլորիդայի օդանավակայանում ռումբի պայթյունի սպառնալիքի մասին այն բանից հետո, երբ նրա ընտանիքը ուշացել է թռիչքից:
46-ամյա Մարինա Վերբիցկայան ձերբակալվել է Ֆորտ Լաուդերդեյլ միջազգային օդանավակայանում այն բանից հետո, երբ օդանավակայանի երեք աշխատակիցներին ասել է, որ իր ուղեբեռում, որն արդեն ինքնաթիռում է, ռումբ կա:
Վերբիցկայան, ով ամուսնու եւ որդու հետ էր, բարկացել է, երբ JetBlue-ի աշխատակիցները հայտնել են, որ նրանք ուշացել են թռիչքից:
Ինքնաթիռն արդեն շարժվել էր թռիչքուղով, սակայն սպառնալիքի պատճառով ուղեւորները տարհանվել են. մանրակրկիտ որոնումների արդյունքում պայթուցիկ նյութ չի հայտնաբերվել:
Վերբիցկայայի ընտանիքը Sun-Times-ին պատմել է, որ անհանգստանում էին, որ իրենց որդին բաց կթողնի դպրոցի դասերը:
Վերբիցկայային մեղադրանք է առաջադրվել ռումբի, պայթուցիկ նյութերի կամ զանգվածային խոցման զենքի մասին կեղծ հաղորդման համար:
JetBlue-ի չվերթը, որը թռիչքուղու վրա էր 20:45-ի սահմաններում, ի վերջո հետաձգվել է:
Sun-Times-ի հաղորդմամբ՝ դատավորը 10.000 դոլարի գրավ է սահմանել է եւ պարտավորեցրել կնոջը հոգեկան առողջության փորձաքննություն անցնել:
0Comments