Նախագահը պետք է հանձներ, բայց Փաշինյանը նրան արձակուրդ ուղարկեց ու ինքը հանձնեց

Այն ժամանակ արդեն գիտեի, որ կռիվ է լինելու, և գրեցի, որ մի քանի ամսից դաժան պատերազմ է սկսվելու Արցախում

LIVE24.AM

Fri, 07/16/2021 - 23:13

Հարցազրույց

Անվախ դիրքը գրավեցին 2020-ի հուլիսին Տավուշյան օպերացիայի ժամանակ, դիրքի գրավումը մեր ՊՆ-ն նախ հերքում էր։ Հետո այն ներկայացվեց որպես մեծ հաղթանակ։ Օպերացիայի մասնակիցներին շռայլորեն մեդալներով պարգևատրեցին։

Իջևանում հրատարակվող «Տեսանկյուն» մարզային թերթի խմբագիր Ոսկան Սարգսյանը համարում է, որ այդ դիրքի գրավումը ոչ մի հարց չլուծեց, ավելին՝ դրանով հրահրեցինք 44-օրյա պատերազմը։

-Ես այն ժամանակ արդեն գիտեի, որ կռիվ է լինելու, և գրեցի, որ մի քանի ամսից դաժան պատերազմ է սկսվելու Արցախում։ Ընդամենը հուլիսի 12-ն էր ու երկու ամսից սկսվեց պատերազմը։ Ես համարում եմ, որ այդ դիրքն ազատագրելով, մերոնք հրահրեցին պատերազմ։ Դա ընդամենը մի թողած դիրք էր, որտեղ ադրբեջանցիները մեկ-մեկ էին գալիս։ Ենթադրենք, այդ դիրքն ազատագրեցինք։ Ի՞նչ փոխեց դա։

- Այսինքն, ո՞նց թողած դիրք էր։

- Ով որ այնտեղ է, այդ դիրքը իրենն է։ Ամբողջ պատերազմի ժամանակ 74 հոգի Մարտական Խաչի չեն արժանացել, ո՞նց եղավ, որ մի դիրքի համար Մարտական Խաչ տվեցին, ընդ որում, նախագահը պետք է հանձներ այդ պարգևները, բայց Նիկոլ Փաշինյանը նրան արձակուրդ ուղարկեց ու ինքը հանձնեց։ Այս ամբողջը պատերազմ հրահրելու համար էր։ Ես զարմանում էի, որ այն ժամանակ սկսեցին ակտիվորեն ասֆալտապատել գյուղերը։ Գետահովիտի ճանապարհներն էին սարքում, Բերքաբեր, Բերդավանն էին ասֆալտապատում, Իջևանում՝ երեք փողոց, ժողովրդին ապակողմնորոշելու համար, թե տեսեք, ձեզ համար ենք աշխատում։ Շատ լավ գիտեին, որ շուտով պատերազմ է սկսվելու։ Դա նույնն է, թե ձմռանը չունենաս կտուր, տանիքդ բաց լինի, բայց տանդ պատերը ներկես։ Ո՞ր նորմալ մարդը նման բան կանի։ Երբ ամբողջ բանակը զրահաբաճկոններով ապահովելու համար 4 մլն դոլար էր պետք, 114 մլն դոլար պարգևավճար բաժանեցին, բայց մեր բանակը չուներ բավարար չափով զրահաբաճկոններ և սաղավարտ։ 6 «Պանցիր» համակարգերով Արցախի երկինքը կփակեին, որի ամեն մեկի արժեքը 15 մլն դոլար է։ Այսինքն՝ 90 մլն դոլարով Արցախի երկինքը կփակեին։ Դա չհասկանալու բան չի։ Ես գիտեի, որ պատերազմ կլինի, իրենք ո՞չ, իսկ մեր հետախուզական ծառայությունը, ԱԱԾ-ն, Անվտանգության խորհուրդը, ՊՆ-ն, ի՞նչ էին անում դրանք։
«Հրապարակ»

Ուկրաինայի ներկայիս իշխանությունը «քամելեոն» է