«Համաձայն 2020 թվականի նոյեմբերի տասին ստորագրված հայտարարության, ադրբեջանցի սահմանապահները տեղակայվում են Ադրբեջանի տարածքում գտնվող դիրքերում, քանի որ եղանակային պայմանները արդեն բարենպաստ են:
Խոսքը վերաբերվում է Հայաստանի հետ սահմանային գոտում, Լաչինի եւ Քելբաջարի շրջաններում, որոնք ունեն բարդ լեռնային ռելիեֆ եւ կլիմայական բարդ պայմաններ: Այդ պրոցեսը իրականացվում է սովորական ռեժիմով եւ սիստեմատիկորեն»:
Այս մասին հայտարարել է Ադրբեջանի ԱԳ նախարարությունը անդրադառնալով Հայաստանի հետ սահմանային իրավիճակին:
Ադրբեջանի ԱԳ նախարարությունը ասել է նաեւ, որ Ադրբեջանի սահմանապահ ծառայությունը տեղում բանակցում է հայ սահմանապահների հետ եւ համապատասխան քայլեր է ձեռնարկում իրավիճակի նորմալացման համար:
«Մենք խորհուրդ ենք տալիս հայ քաղաքական եւ ռազմական շրջանակներին խուճապի չմատնվել, ընդունել իրականությունը միջպետական սահմանային ռեժիմի առնչությամբ եւ իրավիճակը ռեգիոնում ավելի չխորացնել»,- ասված է գերատեսչության պարզաբանման մեջ:
Միաժամանակ նաեւ Բաքվից հավելել են, որ նման դեպքերը կարող են եւ պետք է լուծվեն երկու կողմի զինվորականների` փոխադարձ շփումների միջոցով: Միաժամանակ նաեւ ասվում է, որ Բաքուն հավատարիմ է ռեգիոնում լարվածության կարգավորմանը:
Աղբյուրը՝ Հրապարակ
0Comments