ՌԴ ԱԳ նախարարն այսօր Մոսկվայում հանդիպում է ունեցել ԵԱՀԿ գործող նախագահ, Շվեդիայի ԱԳ նախարար Ան Լինդեի հետ, որի ժամանակ անդրադարձ է կատարվել ԼՂ հակամարտության կարգավորմանը: Այս մասին հայտնում է mid.ru-ն:
«Հանդիպման ժամանակ քննարկվել է Լեռնային Ղարաբաղի հակամարտության գործում Մինսկի խմբի դերը, ինչպես նաև Մերձդնեստրում դրական դինամիկայի վերականգնման հեռանկարները «5+2» ձևաչափով»,- ասվում է ՌԴ ԱԳՆ հաղորդագրության մեջ:
Կողմերը քննարկել են նաև երկկողմ օրակարգի հարցեր: «Մեր համոզմամբ ԵԱՀԿ-ն կարող է ներդրում անել կորոնավիրուսի համավարակի հետևանքների հաղթահարման գործում, այդ թվում և քաղաքացիների սոցիալական և տնտեսական իրավունքների ապահովմամբ»,- ասվում է համատեղ ասուլիսից հետո հրապարակված հաղորդագրության մեջ:
0Comments