Պետք է անհապաղ Շուշիից կորած փողերի փաստով ձերբակալել Արգիշտի Քյարամյանին ու բացահայտել նրա կապը Փաշինյանի հետ. Գաբրիելյանով

Արգիշտի Քյարամյանի անվան հետ է կապված նաև ծագումով ադրբեջանցի Իրանի բազմաթիվ քաղաքացիներին ՀՀ անձնագրեր տալու սկանդալային պատմությունը

ա

Հանրահայտ ռուսաստանաբնակ մեդիամագնատ Արամ Գաբրիելյանովն անդրադարձել է @armvoice տելեգրամյան ալիքում այսօր հրապարակված տեղեկատվությանը և կատարել հետևյալ մեկնաբանությունը.

«Պետք է անհապաղ քրեական գործ հարուցել Շուշիից կորած փողերի փաստով, ձերբակալել Քյարամյանին ու բացահայտել նրա և Փաշինյանի կապը: Ահա և ձեզ առիթ Փաշինյանին շուտափույթ կալանավորելու համար»:

Ներկայացնում ենք @armvoice տելեգրամյան ալիքում հրապարակված նյութն ամբողջությամբ.

«Մեդիապորտը դեռևս անցյալ տարվա դեկտեմբերին հրապարակեց մերկացնող նորություն այն մասին, որ դեռևս հոկտեմբերի 8-ին ՀՀ Ազգային անվտանգության ծառայության (ԱԱԾ) տնօրենի պաշտոնից ազատված 29-ամյա Արգիշտի Քյարամյանն անհայտ պատճառներով շարունակել է գտնվել Արցախում պատերազմի ողջ ընթացքում:

Նա գնդապետի համազգեստով ազատ մուտք է ունեցել Արցախի Պաշտպանության բանակի բունկեր, ներկա գտնվել ռազմական գործողությունների մշակման գործընթացին:

Ավելին, նոյեմբերի սկզբին նա նշանակվեց Շուշիի պաշտպանության կազմակերպման պատասխանատուի տեղակալի պաշտոնում ու տեղափոխվեց Շուշի:

Երբ Արցախի Պաշտպանության բանակի նորանշանակ հրամանատար Միքայել Արզումանյանն առարկում է Արցախի նախագահ Արայիկ Հարությունյանին՝ ռազմական փորձառություն չունեցող Քյարամյանի նշանակումն այդ պատասխանատու պաշտոնում անվանելով անթույլատրելի, Արցախի նախագահն ասում է, որ դա Նիկոլ Փաշինյանի ուղիղ հանձնարարականն է:

Սակայն նոյեմբերի 6-ի վաղ առավոտյան՝ ադրբեջանական առաջին մեծաթիվ դիվերսիոն խմբի՝ Շուշի մուտք գործելուց մի քանի ժամ առաջ Արգիշտի Քյարամյանը հայտարարեց, որ իր պարտականություններն Արցախում լիովին կատարված են և նստելով ինկասացիայի մեքենան՝ լքեց Շուշին:

Հիշեցնենք, որ պատերազմի ժամանակ ԱԱԾ տնօրենի պաշտոնից Արգիշտի Քյարամյանի ազատման վերաբերյալ այդպես էլ որևէ պաշտոնական մեկնաբանություն չտրվեց:

Արգիշտի Քյարամյանի անվան հետ է կապված նաև ծագումով ադրբեջանցի Իրանի բազմաթիվ քաղաքացիներին ՀՀ անձնագրեր տալու սկանդալային պատմությունը, որը մինչ այսօր պարզաբանված չէ»: