Այսօր ամեն մի տարածքը տալու մասին օր ու ժամ են որոշում, բայց ընկած կամ գերի ընկած երեխեքի հարցում ո՞ւր է այդ կատարած կետերից գոնե մի մասը: Այս մասին այսօր՝ նոյեմբերի 23-ին, նշեց ՊՆ-ի մոտ զոհված ու գերի ընկած զինծառայողների ծնողներից մեկը:
Ծնողներից մի կին էլ ասաց. «Իմ երեխան կամ թուրքերի մոտ է, կամ անտառում է: Կոնկրետ իմ, տղան հրամանատարությունը վերցրել է իր վրա ու չի փախել: Ամսի 16-ին տղայիս ընկերոջը զանգել են ծնունդի համար, զանգը գնացել է: 17 վայրկյան զանգը գնացել է, անջատել են, դա նշան չի՞, որ մարդիկ ողջ են Մենք հավատացինք, որ մեր երեխեքին չեն քցի: Ես չէի պատկերացնում, որ հայ զինվորի հետեւից չեն գնա»: Նա հավելեց, որ իրնքը Դավիթ Տոնոյանի հետ չի հանդիպել, բոլոր տվյալները տվել է համապատասխան հանձնաժողովին ու սպասել է պատասխանի:
Նա նաեւ հավելեց. «Եթե այսօր էս երեխեքի հետեւից չեն գնում, վաղն էլ ձեզ շան տեղ չեն դնելու, հիշեք բոլորդ: Երկրորդ տղուս զոռով եմ պահել, գնացել էր եղբորը ման գալու, սահմանից ռուսները հետ են տվել: Ես այ սենց կուշտ եմ էս երկրից»:
Ակցիայի մասնակիցներից մեկն էլ նկատեց, որ իրենց տղաները կարող էին թողնել հետ գալ, բայց մնացել են հանուն հայրենիքի. «Հիմա սե՞նց են մեզ պատասխան տալիս: Մեր երեխեքն արժանի չէին սրան»:
Անհետ կորած զինվորներից մեկի մայրն էլ պատմեց, որ որդին մեքենայով զենք է տարել, հետո պարզվել է, որ կողքին նտակ հրամանատարը թողել փախել է. «Մեզ ասում են՝ իր հետ ամսի 25-ից կապ չենք ունեցել: Ո՞նց չեք ունեցել, բա ո՞նց է ամսի 27-28-ին մեզ հետ խոսել»:
Ակցիայի ժամանակ մի փոքր միջադեպ գրանցվեց. Մեկը լրագրողների հետ սկսեց քաղաքական երանգներով խոսք հնչեցնել, որից հետո ծնողները արգելեցին նրան խոսել. «Մենք եկել ենք մեր երեխեքի համար, մեզ քաղաքականությունը չի հետաքրքրում»,-ասաց ծնողներից մեկը:
0Comments