Մոսկվայում Ռուսաստանի, Հայաստանի եւ Ադրբեջանի ԱԳՆ ղեկավարների հանդիպման սկսվելուց մի քանի րոպե առաջ Ադրբեջանի նախագահ Իլհամ Ալիեւը ուղերձով դիմել է ժողովրդին՝ նշելով, որ համաձայն չէ այն թեզի հետ, որ Լեռնային Ղարաբաղի հակամարտությունը չունի ռազմական լուծում:
«Ադրբեջանի ժողովուրդը միջնորդներից, միջազգային կազմակերպությունների որոշ ղեկավարներից բազմիցս լսել է, որ հակամարտությունը ռազմական լուծում չունի: Իսկ ես ասել եմ, որ համաձայն չեմ այդ թեզի հետ: Եվ ես ճիշտ էի: Մոտ 30 տարի բանակցություններ են ընթացել, առաջընթաց եղե՞լ է: Վերադարձրե՞լ ենք մեր հողերը: Իսկ ինչպե՞ս է հիմա լուծվում հարցը: Ռազմական ճանապարհով: Հարցը լուծվում է հենց ռազմական ճանապարհով: Ռազմական, ապա քաղաքական»,-ասել է Ալիեւը:
Ալիեւը նաեւ հայտարարել է, որ եթե Մոսկվայում ՀՀ ԱԳՆ ղեկավարը հայտարարի, որ «Ղարաբաղը Հայաստան է», ապա բանակցությունների մասին խոսք լինել չի կարող: «Եթե նա այդպիսի հայտարարություն անի, ապա բանակցությունների մասին խոսք լինել չի կարող: Ես դա ասել եմ, եւ ոչ ոք մեզ չի ստիպի»:
Նա նաեւ հայտարարել է, որ Բաքուն Երեւանին վերջին շանսն է տալիս՝ վերադառնալու բանակցային ձեւաչափին եւ դուրս բերելու զորքերը Ղարաբաղից:
Ընդ որում, նա նշել է, որ Մոսկվայում ՌԴ, Ադրբեջանի եւ Հայաստանի ԱԳՆ ղեկավարների հանդիպումը պետք է շատ բան պարզի, եւ, նրա խոսքով, պետք է բազային սկզբունքներ ընդունվեն:
Ալիեւը նաեւ նշել է, որ ԼՂ հարցով ստատուս-քվոն այլեւս գոյություն չունի:
0Comments