Անհրաժեշտ է կանխել Լեռնային Ղարաբաղի հակամարտության տարածք վարձկանների եւ ահաբեկիչների ներթափանցման փորձերը։ Այս մասին հինգշաբթի՝ հոկտեմբերի 8-ին, ԱՊՀ անդամ երկրների գլխավոր դատախազների համակարգող խորհրդի նիստում հայտարարել է Ռուսաստանի գլխավոր դատախազ Իգոր Կրասնովը։
Նա նշել է, որ 25 տարի շարունակ այս երկրների հետ համատեղ ջանքերով մեխանիզմներ են ստեղծվել, որոնք «Անկախ պետությունների համագործակցության տարածքում պաշտպանում են քաղաքացիների իրավունքները», եւ չի կարելի թույլ տալ այս մեանիզմների ոչնչացումը։
«Հիմա առաջնահերթ խնդիրն է մարդկանց պաշտպանելն ու նրանց արժանապատիվ, անվտանգ, խաղաղ կյանքի իրավունքի ապահովումը, այդ թվում՝ հակամարտության տարածք վարձկանների եւ ահաբեկիչների, զենքի աօրինի շրջանառությամբ հարստացող եւ ահաբեկչական հարձակումները ֆինանսավորող անձանց ներթափանցման ցանկացած փորձ կանխելու ճանապարհով»,- «ՌԻԱ Նովոստի»-ի փոխանցմամբ՝ ասել է Կրասնովը։
ՌԴ գլխավոր դատախազը հավելել է, որ Լեռնային Ղարաբաղի հակամարտությունն անհրաժեշտ է կարգավորել «բացառապես միջազգային իրավունքի նորմերի եւ ՄԱԿ Անվտանգության խորհրդի համապատասխան բանաձեւերի շրջանակում»։
Ղարաբաղում ռազմական հակամարտության հերթական սրումը տեղի է ունեցել սեպտեմբերի 27-ին։
Երեւանը քանիցս հայտարարել է, որ Ղարաբաղում Բաքվի կողմում մարտնչում են թուրք ներկայացուցիչներ։ Անկարան եւ Բաքուն դա հերքում էին։ Ընդ որում՝ Ադրբեջանի Նախագահ Իլհամ Ալիեւն ասում էր, որ Մերձավոր Արեւելքից վարձկանները մարտնչում են Հայաստանի օգտին։
Հոկտեմբերի 1-ին Ֆրանսիայի նախագահ Էմանուել Մակրոնը հայտարարել էր այն բանի ապացույցներիր առկայության մասին, որ չճանաչված Լեռնային Ղարաբաղի Հանրապետությունում մարտնչում են սիրիացի իսլամիստները։ Նա ընդգծել էր, որ այս գործոնը լրջագույն ազդեցություն ունին իրավիճակի վրա եւ քննարկվելու է այդ թվում Եվրամիությունում բանակցությունների ժամանակ։ ԼՂՀ օտարերկրյա վարձկանների տեղափոխման մասին հայտարարել էին նաեւ Ռուսաստանի ԱԳՆ-ից։
0Comments