Ռուսաստանի Պրիմորիեի երկրամասում «Սպիտակ առյուծ» այգում գերմանական հովվաշունը կերակրում է երկու կորյունի, որոնցից հրաժարվել է իրական մայրը. այս մասին ասվում է այգու ինստագրամյան էջում:
Աղբյուրը մանրամասնում է, որ Սանդրա անունով ութամյա շունը ձագ ունի, սակայն այժմ իր փոքրիկի հետ կերակրում է նաև երկու կորյունի:
Նշվում է, որ շանը ժամանակավորապես այս այգի են տեղափոխել մոտակա Արտյոմ քաղաքից:
Հայտնի է, որ շան կաթը առավելագույնս համապատասխանում է կորյուններին, քանի որ դրանում կան բոլոր բաղադրիչները վայրի կենդանիների կանոնավոր և նորմալ զարգացման համար:
Նշվում է, որ չնայած Սանդրան չի սիրում կատուների՝ այուամենայնիվ կարողացել է ընդունել կատվազգիների փոքրիկ ներկայացուցիչներին:
0Comments