Հուլիսի 21-ի լույս 22-ի գիշերը և այսօր առավոտյան հայ-ադրբեջանական պետական սահմանին պահպանվել է հարաբերական անդորր։
Այս մասին հայտնում են ՀՀ ՊՆ մամուլի ծառայությունից:
Սահմանագոտու տարբեր հատվածներում ադրբեջանական կողմը հրաձգային զինատեսակներից խախտել է կրակի դադարեցման ռեժիմը 7 անգամ` հայկական դիրքերի ուղղությամբ արձակելով շուրջ 20 կրակոց:
Ջիլ բնակավայրի մերձակայքում տեղակայված մարտական դիրքերի ուղղությամբ կրակի դադարեցման ռեժիմը խախտվել է մեկ անգամ։
Այգեպար բնակավայրի մերձակայքում տեղակայված մարտական դիրքերի ուղղությամբ կրակի դադարեցման ռեժիմը խախտվել է երկու անգամ:
Չափնի բնակավայրի մերձակայքում տեղակայված մարտական դիրքերի ուղղությամբ կրակի դադարեցման ռեժիմը խախտվել է մեկ անգամ:
Պարույր Սևակ, Երասխ, Զանգակատուն բնակավայրերի մերձակայքում տեղակայված մարտական դիրքերի ուղղությամբ կրակի դադարեցման ռեժիմը խախտվել է 3 անգամ:
Հակառակորդի կողմից հայ-ադրբեջանական պետական սահմանագոտու հյուսիսարևելյան հատվածում՝ «Անվախ» դիրքի ուղղությամբ ձեռնարկված անհաջող հարձակումից հետո կատարվում է լրահետախուզում։
ՀՀ զինված ուժերի ստորաբաժանումները վստահորեն վերահսկում են օպերատիվ իրավիճակը հայ-ադրբեջանական սահմանագոտու ամբողջ երկայնքով, պահպանում են զսպվածություն և արձագանքում միայն հայկական դիրքերը թիրախավորող կրակին։
0Comments