Տրաքած վիճակ է․ 3 ամիս հետո սով է լինելու. Ծառուկյան

Ծառուկյանը վստահեցրեց, որ ինքը վախեցող չէ. «Ուզում եք ահաբեկեք, սարքեք, կպցնեք, չոր բանը չի կպնի մարդուն»
Գագիկ Ծառուկյան

«Ասում ենք՝ արտակարգ դրության ժամանակահատվածում բանկերի տոկոսները ներում շնորհեք, մինչեւ տնտեսությունը կզրագանա: Այսօր տրաքած վիճակ է: 3 ամիս հետո սով է լինելու: Դրա տակից չեք կարող դուրս գալ, խելքի եկեք:

Էսօր ոչ ոք ձեզ փող չի տալիս, չի վստահում: Քաղաքական կայունություն չկա: Արտաքին քաղաքականության մեջ բոլորի հետ հարաբերությունները փչացրել եք»,-ԱԺ-ում իր ելույթում այսօր նշեց ԲՀԿ խմբակցության ղեկավար Գագիկ Ծառուկյանը:

Ծառուկյանը վստահեցրեց, որ ինքը վախեցող չէ. «Ուզում եք ահաբեկեք, սարքեք, կպցնեք, չոր բանը չի կպնի մարդուն: Դուք ասում եք՝ կաշառք. Կա՞ մեկը, որ ասում է՝ Ծառուկյանը այդ գումարը տվել ա ինձ, որ տանեմ կաշառք տամ: Թեկնածու է, հարգարժան, մեծահարուստ մարդ, գնացեք իրեն հարցրեք: Մի անգամ հարցնեիք, նոր ընդդիմության ղեկավարին բերեիք:

Այսօր խանգարում եմ ձեզ, եթե չխոսեի, կասեիք՝ նորմալ ա»,-ասաց նա: