«Մեդիա պաշտպան» նախաձեռնությունը ֆեյսբուքյան էջում գրառում է տարածել.
««Մեդիա պաշտպան»-ը կոչ է անում վարչապետի մամուլի խոսնակին իր վրա չվերցնել դատարանի գործառույթները
——————————————————
Նիկոլ Փաշինյանի մամուլի խոսնակ Մանե Գևորգյանն, անդրադառնալով «Յուքոմ» ընկերության տնօրենների խորհրդի նախագահ Գուրգեն Խաչատրյանի հայտարարությանը, որ երկրի բարձրաստիճան պաշտոնյաների մակարդակով ուղիղ և անուղղակի պահանջ է դրվել իր առջև՝ հանրային ճնշումներով ուղեկցվող ոչ շահավետ առաջարկով օտարել Ucom-ը, իր ֆեյսբուքյան էջում գրել է․ «ՀՀ կառավարության ունեցած տվյալներով Գագիկ Խաչատրյանը եւ նրա որդիները ղեկավարել են Հայաստանում երկար տարիներ գործած կոռուպցիոն, մաֆիոզ համակարգ, ինչի արդյունքում կուտակել են մի քանի հարյուր միլիոն դոլարի ապօրինի հարստություն: Վարչապետի դիրքորոշումն այն է, որ այդ թալանվածը պետք է մինչեւ վերջ վերադարձվի պետությանը»:
Մի շարք լրատվամիջոցներից ստացված հարցումներին ի պատասխան` ՀՀ երրորդ նախագահի գրասենյակն անդրադարձել է վարչապետի մամուլի քարտուղարի ֆեյսբուքյան այսօրվա գրառմանը, մասնավորապես գրելով. «Լավ կլինի վարչապետի մամուլի քարտուղարը տեր կանգնի իր ղեկավարի բովանդակազուրկ լայվերին` հասարակության մեջ օրեցօր խորացող հիասթափությունը և դրա վտանգավոր հետևանքները կանխելու նպատակով»:
«Մեդիա պաշտպան» նախաձեռնությունը կոչ է անում վարչապետի մամուլի խոսնակին իր վրա չվերցնել դատարանի գործառույթները, Կառավարության ունեցած «տվյալներն» էլ չհամարել դատարանի որոշում: Նման քայլերը իրավական տեսանկյունից որևէ հիմնավորում չունեն և կարող են ուղղակի ճնշում դիտարկվել դատարանների վրա։
Ի դեպ, Մանե Գևորգյանն իր ֆեյսբուքյան էջում ևս մեկ գրառում է արել` այս անգամ Սերժ Սարգսյանին անվանելով անհույս թոշակառու, իսկ 3-րդ նախագահի շրջապատին անվանել է կոռումպացված` կրկին փորձելով ստանձնել դատարանի դեր»։
0Comments