Ucom ընկերության կառավարման անձնակազմը՝ տեխնիկական սպասարկման գլխավոր աշխատակիցները՝ տնօրենների գլխավորությամբ, աշխատանքից ազատման դիմում են գրել: Այս մասին տեղեկացնում է 1lurer.am-ը։
Ավելի քան 50 առանցքային դերակատարում ունեցող աշխատակից որոշել է հեռանալ Ucom ընկերությունից։ Կան տարաձայնություններ: Պատճառն այն է, որ սեփականատերերն ուզում են Ucom-ի տնօրենի պաշտոնին նշանակել Անդրեյ Պյատախինին, որն այս պահին ղեկավարում է Beeline ընկերությունը:Հիշեցնենք, որ Հայաստանում ֆիքսված և շարժական կապի ծառայություններ մատուցող հայկական Ucom ընկերությունն ավելի վաղ հաստատել էր կապի և ինտերնետ ծառայություններ մատուցող համաշխարհային առաջատար VEON Ltd. ընկերության հայաստանյան բիզնեսը՝ Beeline-ը գնելու շուրջ քննարկումների փաստը:
ArmDaily.am-ը տեղեկացավ, որ ստեղծված իրավիճակը կապ ունի Ucom և Beeline ընկերությունների միավորման հետ: Մասնավորապես, սեփականատերերը ցանկանում են Ucom-ի տնօրենի պաշտոնին նշանակել Անդրեյ Պյատախինին, որն այս պահին ղեկավարում է Beeline ընկերությունը: Մեր տեղեկություններով Ucom-ի տնօրեն Հայկ Եսայանն աշխատանքից ազատման դիմում է գրել: Աշխատակիցները որոշել են գնալ տնօրենի հետևից: Նրանք նշում են, որ չեն պատրաստվում աշխատել առանց իրենց տնօրենի և ողջ անձնակազմով՝1800 աշխատակից ևս պատրաստվում են ազատման դիմում գրել:
Հայտ է ներկայացվել, Հանրային ծառայությունները կարգավորող հանձնաժողովն ու ՏՄՊՊՀ-ն դեռ պետք է վերլուծություն ներկայացնեն:
0Comments