Ինչի՞ց են բողոքում, անհասկանալի է, մենք օրենքով վերապահված մեր իրավունքն ենք իրացնում: Այս մասին այսօր Ազգային ժողովում ասաց «Իմ քայլը» խմբակցության պատգամավոր Հովհաննես Հովհաննիսյանը՝ անդրադառնալով ընդդիմադիրների քննադատություններին, երբ առաջին ընթերցմամբ քննարկվում էր «Արտակարգ դրության իրավական ռեժիմի մասին» և «Էլեկտրոնային հաղորդակցության մասին» օրենքների փաթեթում փոփոխություն կատարելու Կառավարության առաջարկը:
Դիմելով «Լուսավոր Հայաստան» խմբակցության ղեկավար Էդմոն Մարուքյանին՝ նա ասաց. «Այստեղից եկավ, ասաց՝ դեմ ենք քվեարկելու, գնաց, նստեց, հաշվեց, տեսավ, որ քիչ են, մտածեց՝ կարելի է սենց անել: Դե եթե դուք տենց շուստրի եք, լավ շուստրիություն եք կարողանում անել, մենք ժողովրդի մասին մտածելով՝ օրինագիծը բերել ենք անցկացնելու»,-ասաց նա և նշեց, որ իրենք հասկանում են, որ այս պարագայում այն պետք է անցնի:
«Մենք ձեր նման շուստրիություն չենք անում, քաղաքական դիվիդենտներ հավաքում պահի ազդեցության տակ, այլ երկարաժամկետ կտրվածքով մտածում ենք: Ֆեյսբուքում գոռալ, ճչալը ձեզ չի օգնելու այս հարցում, քանի որ այս այն հարցն է, որ պետք է միասնականություն անել»,-ասաց նա և նշեց, որ ամբողջ աշխարհում միասնականության կոչ, քարոզ կա․ «Էստեղ ինչ-որ իշխանությունից տոկոս են հաշվում: Թող սաղ տոկոսները ձեզ լինի, ժողովուրդը առողջ լինի»,-հավելեց նա:
Ֆեյսբուքում գոռալ, ճչալը ձեզ չի օգնելու․ Հովհաննես Հովհաննիսյանը՝ Էդմոն Մարուքյանին
Մենք ձեր նման շուստրիություն չենք անում, քաղաքական դիվիդենտներ հավաքում. պատգամավոր
0Comments