Հայկ Մարտիրոսյանը ֆեյսբուքյան իր էջում գրել է.
«2020-1984
Հին մոդելի հեռախոսները չեն դժվարացնում թվային դիտարկումը: Ավելի հեշտացնում են: Շատ և շատ ավելի են հեշտացնում:
Օգտագործեք Signal, WhatsApp և FaceTime Audio. Սրանք միակ հավելվածներն են, որոնց զանգային կամ հաղորդագրությունային մետադատան անհասանելի է Հայաստանի իշխանություններին: Ընդ որում` հավելվածների ապահովությունն ու ամրությունը համապատսխանում է թվարկման հերթականությանը: Ձայնային որակի առումով ամենալավը ՖեյսԹայմ Աուդիոն է, անվտանգության առումով` Սիգնալը:
Viber-ի և Telegram-ի վստահելիության մասին հավատալիքները չափազանցված են:
Facebook Messenger-ն ընդհանրապես իր ապահովությամբ ամենաթույլ հավելվածն է այս շարքում: Գուցեև Հայաստանում որոշակիորեն պաշտպանված է տեղի իշխանության թափանցումից, բայց ոչ Արևմուտքում: Ամենաանթափանցելին Signal-ն է, որի հատուկ` relay ֆունկցիան ակտիվացնելիս` կապը դառնում է ամբողջությամբ և անվերապահորեն պաշտպանված:
Որտեղ հնարավոր է` անջատեք բջջային կապը և միացեք WiFi-ին, տեղաշարժվելիս` ընդհանրապես դրեք սմարթֆոնը ավիառեժիմի վրա:
Այնուամենայնիվ` իմացեք, որ օրենքն ընդունվելուց հետո` գոնե ձեր տեղորոշման հասանելիության դեմ պայքարելը լինելու է շատ դժվար, եթե երբևէ օգտվելու եք բջջային կապից կամ բջջային ինտերնետից:
Բջջային ցանցերի անտենա-կայանների օգնությամբ տեղորոշումը դառնում է բավական ճշգրիտ: Նույնն է և մասնավոր կամ հանրային WiFi կետերին միանալու պարագայում: Ձեր սարքի IP ցուցիչով և օգտագործվող կապի տեղակայման վայրով բավական հեշտ է կապ պահպանողի տեղորոշումը:
Այդ խնդիրն իր հերթին բավական բարձր երաշխավորելիությամբ լուծվում է VPN ծառայությունների և հավփլվածների կիրառմամբ, որոնցից անվճարներն անապահով են, իսկ հեղինակավոր վճարվողները` կիրառության մեջ դնելու գոուծընթացի առումով բարդ և թերևս աշխատատար:
Ընդհանր առմամբ դրանցից շատերը նաև դանդաղեցնում են կապը, որովհետև ազդանշանն անցկացնում են բազում երրորդային սերվերների միջով, որպեսզի կարողանան կապի հետքը կորցնելու միջոցով գաղտնիություն ապահովել:
Կեցցե´ թավշյա 1984-ը և Հայաստանի Մեծ Եղբայր (Big Brother) ոչ բռնի, ժողովրդավար իշխանությունը»:
0Comments