Բարության ինքնաբուխ դրսեւորման օրը (Random Acts of Kindness Day), որն աշխարհում նշվում է ամեն տարի փետրվարի 17-ին, միջազգային բարեգործական կազմակերպությունների վերջերս իրականացրած նախաձեռնություններից մեկն է, news.am-ի փոխանցմամբ՝ գրում է Calend.ru-ն:
Այս տոնի պատմությունը սկիզբ է առնում ԱՄՆ-ում, սակայն արդեն ներկայում այն ունի համաշխարհային նշանակություն եւ նշվում է անկախ քաղաքացիությունից, ազգությունից եւ կրոնական համոզմունքներից:
Այս տոնն առավելապես հայտնի է Արեւմտյան Եվրոպայի երկրներում եւ ԱՄՆ-ում, որտեղ այսօր բազմաթիվ քաղաքներում ավանդաբար անցկացվում են բարեգործական միջոցառումներ եւ մարաթոններ, որոնց մասնակցում են հայտնի դերասաններ, հասարակական եւ քաղաքական գործիչներ:
Տոնի կազմակերպիչների ամենակարեւոր կոչը բոլորի նկատմամբ բարի լինելն է, ընդ որում՝ ոչ թե պարզապես բարության, այլ անսահման եւ անշահախնդիր բարության դրսեւորումն է:
0Comments