«Փաշինյանը չի կարողանում իր ընտանիքին բացատրել, որ չի կարելի խառնվել քաղաքականության մեջ, չի կարողանում բացատրել, որ այդ ամենն իրեն ավելի մեծ վնաս է հասցնում»,- այսօր լրագրողների հետ հանդիպմանն ասաց ԱԺ նախկին պատգամավոր Վահան Բաբայանն՝ անդրադառնալով Վանեցյան-Մարմիամ Փաշինյան գրագրությանը:
Բաբայանի խոսքով՝ Վանեցյանը, որպես ԱԱԾ տնօրեն, պետք է չանդրադառնար, չարձագանքեր, չներքաշվեր նմանատիպ խոսակցությունների մեջ։
«Քաղաքացիական գիտակցություն» ՀԿ-ի ղեկավար Նարեկ Սամսոնյանի խոսքով՝ աշխարհում ոչ մի երկրի ղեկավարի ընտանիքի անդամները քաղաքականությամբ չեն զբաղվում, այնինչ Հայաստանում հակառակ պատկերն է։
«Այսօր Հայաստանում տեղի է ունենում մի բան, որ դեմ է համընդհանուր բարոյական արժեհամակարգին։
Փաշինյանն իր ընտանիքին չի խնայում։ Մարդու կինն է զբաղվում քաղաքականությամբ, աղջիկ երեխան է զբաղվում քաղաքականությամբ։
Ինձ ասում են՝ երեխա մի ասեք, բայց ես չեմ ուզում հասուն մարդկանց վիրավորել Մարիամ Փաշինյանին հասուն մարդ անվանելով»,- նշեց նա։
Տեսանյութը՝ news.am-ի
0Comments