«Կենցաղային խոսակցություն է». այսօր Ծիծեռնակաբերդի հուշահամալիրում լրագրողների հետ զրույցում այսպես արձագանքեց ԱԺ նախագահ Արարատ Միրզոյանն՝ անդրադառնալով Արթուր Վանեցյանի եւ Նիկոլ Փաշինյանի ընտանիքների միջեւ հեռակա բանավեճին:
Նա նաեւ հավելեց, որ Արթուր Վանեցյանին իրեն քաղաքական հակառակորդ չի համարում:
Նշենք, որ վերջին օրերին հեռակա «փոխհրաձգություն» է սկսվել Արթուր Վանեցյանի եւ Մարիամ Փաշինյանի միջեւ: Ամեն ինչ սկսվեց նրանից, որ «Հայկական ժամանակ»-ում հոդված հրապարակվեց, որը Արթուր Վանեցյանին մեղադրում է Փաշինյանների ընտանիքի մասին վարկաբեկիչ նյութեր հրապարակելու նախաձեռնության մեջ:
0Comments