Հոլիվուդյան հայտնի դերասանուհի Քեմերոն Դիասը 47 տարեկանում առաջին անգամ մայր է դարձել:
Այս մասին, tert.am-ի փոխանցմամբ, նա տեղեկացրել է Instagram-ում:
Աստղային դերասանուհին իր ընտանիքի անունից գրություն է տարածել:
«Շնորհավոր Ամանոր Մեդդենների կողմից: Մենք այնքան երջանիկ ու երախտապարտ ենք, որ սկսում ենք նոր տասնամյակը` հայտարարելով մեր դստեր՝ Ռեդդիկս Մեդդենի ծննդյան մասին: Նա ակնթարթորեն գրավեց մեր սրտերը և համալրեց մեր ընտանիքը»,-ասված է հաղորդագրության մեջ:
Դերասանուհին նշել է նաև, որ չի հրապարակելու դստեր լուսանկարները և չի կիսվելու մանրամասներով:
2015 թվականին Քեմերոն Դիասն ամուսնացել է երաժիշտ Բենջի Մեդդենի հետ:
Ավելի վաղ ԶԼՄ-ները տեղեկացրել էին, որ Քեմերոն Դիասը մտադիր է հեռանալ կինոյից: Լուրեր էին շրջանառվում, որ այս մասին աստղը տեղեկացրել է իր ընկերուհուն՝ դերասանուհի Սելմա Բլերին: Նրա խոսքով` դերասանուհին մտադիր է իր ամբողջ ժամանակը տրամադրել ընտանիքին:
0Comments