ՀՀ վարչապետ Նիկոլ Փաշինյանը կարծես թե դեռ չի պատրաստվում դադարեցնել իր դստեր ավտոմեքենայի մասին խոսակցությունները:
Եթե կառավարության ղեկավարը երկու օր առաջ հատուկ ուղիղ եթեր մտավ ու բացատրեց ամեն ինչ, այսօր արդեն որոշել է ֆեյսբուքյան էջում մեկնաբանել ավտոմեքենայի մասին գրառում՝ այն անվանելով հումոր:
Հիշեցենք, որ երկու օր առաջ վարչապետը իր դստերը ծառայող ավտոմեքենայի առկայությունը բացատրեց օրենքի պարտադրանքով՝ նշելով, որ վարչապետի ընտանիքն օրենքով իրավունք չունի հրաժարվելու պետական պահպանության ծառայության մատուցած ծառայություններից:
Ինչ վերաբերում է կարծիքներին, թե կարող են օրենքը փոխել, Նիկոլ Փաշինյանը նշեց, որ չի ցանկանում դա անել, քանի որ իրենից հետո եկող վարչապետները կարող են դրա անհրաժեշտությունն ունենալ: Եվ որպեսզի նրանք բացատրություններ տալու պարտավորվածություն չունենան, օրենքն ավելի լավ է մնա ուժի մեջ:
Սակայն իրականում հարցը շատ պարզ լուծում ունի: Վարչապետին կարող են հուշել, որ օրենքի փոփոխության էլի կարելի է գնալ՝ պարտադիր պահանջը վերացնելով և այն ուղղակի կամավորով փոխարինելով:
Նյութի աղբյուրը՝ analitik.am
0Comments