Ֆինլանդիայի տրանսպորտի նախարար Սաննա Մարինն ընտրվել է Սոցիալ-դեմոկրատական կուսակցության նախագահ, ինչը նշանակում է, որ 34-ամյա քաղաքական գործիչը կլինի ոչ միայն երկրում, այլև ամբողջ աշխարհում ամենաերիտասարդ վարչապետը:
Ինչպես հայտնում է The Guardian-ը, Մարինը կլինի Ֆինլանդիայի երրորդ կին վարչապետը: Նրա նշանակումը տեղի կունենա մինչ դեկտեմբերի 12-ը, տեղեկացնում է tert.am-ը: Հատկանշական է, որ կոալիցիայի մյուս չորս կուսակցությունների ղեկավարները ևս կանայք են:
«Մենք չափազանց շատ աշխատանք ունենք անելու, որպեսզի վերականգնենք վստահությունը»,- լրագրողներին ասել է Մարինը՝ հավելելով, որ քաղաքականության հարցում երբևէ չի մտածել իր տարիքի և սեռի մասին:
Աղբյուրը մանրամասնում է, որ Մարինն իր քաղաքական կարիերան սկսել է 27 տարեկանում:
0Comments