5 հնացած դեղամիջոց, որոնք դեռեւս լայն տարածում ունեն նախկին ԽՍՀՄ երկրներում

^{Նախկին ԽՍՀՄ շատ բնակիչներ դեռեւս շարունակում են օգտագործել դեղամիջոցներ, որոնք ժամանակին օգտագործել են նրանց տատիկներն ու տատիկների տատիկները։ Այդ դեղերն այսօր համարվում են հնացած, իսկ դրանց արդյունավետությունը լուրջ կասկածներ է առաջացնում։}

^{Անալգին}

^{Անցյալ դարում անալգինը բավական տարածված ցավազրկող էր, հիմնականում որովհետեւ այլընտրանքը շատ չէր։ Բայց անալգինը կարող է առաջ բերել բազմաթիվ վտանգավոր կողմնակի ազդեցություններ, ուստի զարգացած շատ երկրներում այն այսօր արգելված է։ Բացի այդ, այսօր հասանելի են շատ ավելի արդյունավետ ու անվտանգ բազմաթիվ այլ ցավազրկողներ։}

^{Բիսեպտոլ}

^{Բիսեպտոլն անցյալում կիրառվում էր վերին շնչուղիների հիվանդությունների ժամանակ։ Բայց այդ եւ այլ հակաբիոտիկների ոչ ճիշտ օգտագործման պատճառով բազմաթիվ հիվանդածին միկրոօրգանիզմներ կայունություն են ձեռք բերել դրա հանդեպ։ Այսօր բիսեպտոլի օգտագործումը կարող է բուժական ոչ մի արդյունք չտալ։}

^{Կորվալոլ}

^{Մասնագետների խոսքով՝ կորվալոլ խմելը սրտի ցավերի ժամանակ անօգուտ է, այն բուժական արդյունք չի տալիս։ Բացի այդ, օրգանիզմը կարող է վարժվել դրան։}

^{Վալիդոլ}

^{Վալիդոլը նույնպես տարածված դեղերից մեկն է, բայց իրականում դրա ազդեցությունը համադրելի է պլացեբոյի էֆեկտին, նշում են փորձագետները։ Լավագույն դեպքում վալիդոլը կարող է ազդել որպես հանգստացուցիչ։}

^{Լեւոմիցետին}

^{Լեւոմիցետինը հնացել է, եւ դրա հետ կապված են բազմաթիվ կողմնակի ազդեցություններ։ Անհրաժեշտության դեպքում պետք է օգտագործել օրգանիզմի նկատմամբ ավելի խնայող հակաբիոտիկներ, եւ միայն բժշկի նշանակմամբ։}