Դատարանն արձանագրել էր, որ թաքնվելու հավանականությունը բացակայում է, սակայն կա խոչընդոտելու հավանականություն, որը նվազել էր: Դրանից հետո դատարանն անդրադարձել էր գրավ կիրառելու խնդրին՝ ասելով, որ մեր օրենսդրություն ու Վճռաբեկի դիրքորոշումը թույլ չեն տալիս գրավ կիրառել, եթե կա խոչընդոտելու հավանականություն: Լրագրողների հետ զրույցում հայտարարեց ՀՀ երկրորդ նախագահ Ռոբերտ Քոչարյանի փաստաբաններից Հայկ Ալումյանը:
Հիշեցնենք, որ այսօր երկրորդ նախագահի պաշտպանները գրավի միջնորդություն ներկայացրեցին՝ գրավի չափի մասով որոշումը թողնելով դատարանի հայեցողությանը:
«Դրանից հետո՝ հոկտեմբերի 16-ին, ՍԴ-ն կայացրեց որոշում, որին հղում կատարեցինք»,-ասաց Ալումյանը՝ նշելով, որ ՍԴ-ն մեկ այլ գործով հակասահմանադրական է ճանաչել վերոնշյալ պայմաններում գրավի կիրառումն արգելելը. «Մենք դատարանին այսօր ասացինք, որ հիմա այլևս գոյություն չունի այն օրենսդրական խոչընդոտը, որով նախորդ անգամ Քոչարյանի նկատմամբ գրավ չկիրառվեց»:
0Comments