Թրամփի վարչակազմը Մեքսիկա է վերադարձրել փախստականի կարգավիճակ ստանալու սպասող հազարավոր միգրանտների

^{ԱՄՆ նախագահ Դոնալդ Թրամփի վարչակազմը «Մնալ Մեքսիկայում» քաղաքականության շրջանակներում Մեքսիկա է վերադարձրել փախստականի կարգավիճակ ստանալու սպասող հազարավոր միգրանտների, հայտնում է Fox News-ը՝ հղում կատարելով ԱՄՆ ներքին անվտանգության նախարարության կողմից հրապարակված վիճակագրությանը։}

^{Համաձայն այդ քաղաքականության, որը պաշտոնապես հայտնի է որպես «Միգրանտների պաշտպանության արձանագրություններ», բոլոր այն անձինք, որոնք դիմել են ԱՄՆ-ին՝ փախստականի կարգավիճակ ստանալու համար, վերադարձվում են Մեքսիկա՝ մինչեւ իրենց գործը քննվի։}

^{Այս քայլը հիմնաքար է դարձել «բռնելու եւ ազատելու» պրակտիկայի դադարեցման Թրամփի վարչակազմի ջանքերում։ Ըստ այդ պրակտիկայի՝ միգրանտներին թույլատրվում էր մինչեւ իրենց գործի քննության ավարտը մնալ Միացյալ Նահանգներում։}

^{Նշվում է, որ տվյալ պահին Թրամփի վարչակազմը Մեքսիկա է վերադարձրել ավելի քան 55 000 միգրանտների։ Հոկտեմբերի 21-ի դրությամբ քննվել է մոտ 13 000 գործ։}