Տեխասում ԱՄՆ սահմանային պարեկային ծառայության նախկին գործակալը, որին մի քանի մեղադրանք է առաջադրվել, ճանաչել է իր մեղքը: Նա մանկական պոռնոգրաֆիա է տարածել եւ սեռական բնույթի գործողություններ կատարել անչափահասի նկատմամբ, հաղորդում է Associated Press-ը:
37-ամյա Վերնոն Լի Միլիկանը ճանաչել է իր մեղքը Սան Անտոնիոյի դատարանում: Միլիկանին ձերբակալել են այս տարվա հունվարին:
Դրանից հետո նրան հեռացրել են Յուվալդ քաղաքում ԱՄՆ սահմանային պարեկային ծառայության գործակալի պաշտոնից:
Մեղադրանք է առաջադրվել նրա դեմ ներկայացված բողոքի հիման վրա, որի համաձայն՝ Միլիկանը տարիներ շարունակ սեռական բռնության է ենթարկել անչափահասին:
Տղամարդուն 15-30 տարվա ազատազրկում է սպառնում:
0Comments