Փենսը «24 ժամվա ընթացքում» կմեկնի Թուրքիա՝ բանակցությունների․ AFP

^{ԱՄՆ փոխնախագահ Մայքլ Փենսը «24 ժամվա ընթացքում» կմեկնի Թուրքիա, որպեսզի փորձի պայմանավորվել քրդական ստորաբաժանումների եւ թուրք զինվորականների միջեւ Սիրիայի հյուսիս-արեւելքում կրակի դադարեցման մասին, հայտնում է Agence France-Presse-ը՝ հղում կատարելով ԱՄՆ-ում իր աղբյուրին։}

^{«Մեր առաջնահերթ խնդիրը մեր դիվանագիտությունը գործի դնելն է, որպեսզի փորձենք հասնել կրակի դադարեցմանը եւ իրավիճակը վերահսկողության տակ պահենք»,- մեջբերում է գործակալությունը բարձրաստիճան ամերիկյան պաշտոնյային, որը ցանկացել է անհայտ մնալ։}

^{Նշվում է, որ Փենսին կուղեկցեն ազգային անվտանգության հարցերով նախագահի օգնական Ռոբերտ Օ՛Բրայենը եւ Սիրիայի հարցով ԱՄՆ հատուկ ներկայացուցիչ Ջեյմս Ջեֆրին։}