80-ամյա հիվանդը չի դիմել բժշկի, չնայած այն հանգամանքին, որ նրա մոտ քրոնիկ հարբուխ է եղել, իսկ վիրահատությունից հետո հասկացել է, որ շնչելը շատ ավելի դյուրին է դարձել:
Մոսկվայի բժիշկները վիրահատել են 80-ամյա հիվանդին, որը 70 տարի շարունակ չէր նկատել քթի խոռոչում մնացած բալի կորիզը:
Օտար մարմինը հայտնաբերվել է միայն ատամնաբույժի նշանակած ռենտգենյան հետազոտությունից հետո: Հիվանդի պատմությունը նկարագրվում է Մոսկվայի առողջապահության դեպարտամենտի կայքում:
«Հիվանդն ինքը երբևէ չի բողոքել, բայց կյանքի ընթացքում նրա քթից պարբերաբար լորձաթաղանթային արտահոսք է եղել, որին նա որևէ նշանակություն չի տվել»,- ասվում է առողջապահության դեպարտամենտի հաղորդագրությունում:
Ավելին, կորիզի պատճառով թոշակառուի մոտ քրոնիկ թարախային բորբոքում կար, ինչը դժվարացնում էր շնչառությունը:
Վիրահատությունից հետո կինը խոստովանել է, որ իրեն շատ ավելի լավ է զգում:
0Comments