Հոկտեմբերի 12-ին՝ ժամը 13:20-ի սահմաններում, ադրբեջանա-իրանական սահմանին սահմանախախտման փորձ է գրանցվել: Սահմանախախտն Իրանի Իսլամական Հանրապետությունից ապօրինի կերպով ներխուժել է Ադրբեջանի տարածք, գրում է minval.az-ը:
Սկսվել են սահմանախախտի որոնումները, որոնց արդյունքում նա հայտնաբերվել է, բայց շարունակել է սառը զենքով դիմադրություն ցույց տալ սահմանապահներին և վիրավորել է նրանցից մեկին: Վիրավոր սահմանապահի վիճակը բավարար է գնահատվում:
Սահմանախախտին խուզարկելու արդյունքում նրա մոտ հայտնաբերվել է 790 գրամ մարիխուանա, 105 գրամ հերոին, 100 գրամ բյուրեղյա տեսքով թմրանյութային զանգված:
Սահմանախախտը 1990 թվականին ծնված Էթիբար Յադիգարովն է եղել:
Դեպքի առնչությամբ Ադրբեջանում քրեական գործ է հարուցվել:
0Comments