Ուկրաինայի նախագահ Վլադիմիր Զելենսկու մամուլի մարաթոնը տեւել է 14 ժամից ավելի: Այս մասին վկայում է միջոցառման առցանց հեռարձակումը: Նշվում է, որ ուկրաինացի առաջնորդը լրագրողների հարցերին պատասխանել է առավոտյան 10.00-ից:
Մամուլի ներկայացուցիչների հետ Զելենսկու հանդիպումը տեղի է ունեցել Kyiv Food Market-ում: Հստակեցվում է, որ սա Ուկրաինայի նախագահի առաջին պաշտոնական ծավալուն մամուլի ասուլիսն էր:
Ուկրաինայի նախագահ Վլադիմիր Զելենսկին հայտնել է, որ մամուլի մարաթոնի ժամանակ պատասխանել է ավելի քան 500 հարցի: Նա այս մասին նշել է իր ֆեյսբուքյան էջում:
Ինչպես հայտնի է, Ուկրաինայի ղեկավարի մասնակցությամբ մամուլի ասուլիսին ներկա էր 300 լրագրող: «Դրանք գլխավորին առնչվող հարցեր էին: Բոլորին պատասխանել եմ»,- Զելենսկին այսպես է մեկնաբանել մամուլի մարաթոնը:
Նա նշել է, որ հարցերին անկեղծ է պատասխանել, «սակայն որոշներին, հավանաբար, ոչ այնպես, ինչպես ոմանք կցանկանային»: Զելենսկին նաեւ շնորհակալություն է հայտնել հանդիսատեսին եւ լրագրողներին:
0Comments