ՌԴ-ն արդեն պատրաստում է ՄԱԿ-ի Գլխավոր ասամբլեայի 74-րդ նստաշրջանին մասնակցելու համար ՌԴ պատվիրակության անդամների մի մասին ԱՄՆ մուտքի թույլտվություն չտրամադրելու պատասխանը, գրում է ТАСС գործակալությունը` հղում անելով ՌԴ արտգործնախարար Սերգեյ Լավրովի հայտարարությանը:
«Պատասխան կլինի… Մենք քայլեր կձեռնարկենք: Մի´ զրկեք մեզ անակնկալ մատուցելու հնարավորությունից»,- ասել է Լավրովը:
Ավելի վաղ ՌԴ-ում ԱՄՆ դեսպանատունը մուտքի թույլտվություն չէր տրամադրել ՄԱԿ-ի Գլխավոր ասամբլեայի 74-րդ նստաշրջանին մասնակցելու համար ռուսական պատվիրակության 10 անդամների, որոնց թվում էր նաև ՌԴ դաշնային խորհրդի արտաքին հարցերի հանձնաժողովի ղեկավար Սերգեյ Կոսաչյովը:
0Comments