«Մարդիկ հանուն կենդանիների հանդեպ էթիկական վերաբերմունքի» (People for the Ethical Treatment of Animals, PETA) կազմակերպությունը դիմել է Բացարձակ մարտական առաջնության (UFC) ղեկավարությանը՝ խնդրելով վերանայել թեթև քաշային կարգում UFC-ի չեմպիոն ռուսաստանցի մարզիկ Խաբիբ Նուրմագոմեդովի հետ հարաբերությունները:
PETA-ին վրդովեցրել է այն տեսանյութը, որտեղ մարզիկը պայքարում է արջի հետ, գրում է lenta.ru-ն:
PETA-ն նշել է, որ Նուրմագոմեդովը պետք է հարգանքով վերաբերվի կենդանիներին, և վերջինիս անհարգալից վերաբերմունքի «փաստի» վրա է հրավիրել UFC-ի ուշադրությունը:
Արջի հետ պայքարի տեսանյութը նկարահանվել է 1997 թվականին, երբ մարզիկն ընդամենը 9 տարեկան էր։ Կենդանու հետ մարզումը կազմակերպել էր նրա հայրը։ Հոլովակը հրապարակվել է 2017-ին: Այս տարվա ապրիլին մարզիկը կրկին «մենամարտել» էր արջի հետ, ինչը կենդանիների պաշտպանների շրջանում մեծ վրդովմունք էր առաջացրել:
0Comments