Մենք ապրում ենք մի երկրում, որտեղ առանց խոչընդոտների կիրառվում է ամերիկյան գրաքննություն

Արգելափակվել է Russia Today հեռուստաալիքի գլխավոր խմբագիր Մարգարիտա Սիմոնյանի Facebook-ի էջը, գրում է ria.ru-ն։

«Մեր գլխավոր խմբագիր Մարգարիտա Սիմոնյանի Facebook-ի էջը երեք օրով արգելափակվել է «համայնքի չափանիշները խախտելու պատճառով»։ Թե ինչը կարող էր լինել արգելափակման պատճառը, անհասկանալի է։ Facebook-ին հարցում է ուղարկվել»,- հաղորդվում է RT Telegram-ալիքում։

Սիմոնյանն ինքն իր էջի արգելափակումը գրաքննություն է համարել։

«Մենք ապրում ենք մի երկրում, որտեղ արտոնյալ վիճակում և առանց խոչընդոտների կիրառվում է ամերիկյան գրաքննություն»,- հայտնել է Սիմոնյանը։

Իր Telegram-ալիքում գլխավոր խմբագիրը նաև հայտնել է, որ այս ընթացքում նա կխորհի «համացանցի և խոսքի ազատության» մասին։