Հայաստանում Ռուսաստանի Դաշնության դեսպան Սերգեյ Կոպիրկինը հայտարարել է, որ Հայաստանի խորհրդարանի նախկին պատգամավոր, Դատական ակտերի հարկադիր կատարման ծառայության նախկին ղեկավար Միհրան Պողոսյանը, որը հետախուզվում է Հայաստանում, քաղաքական ապաստան չի ստացել Ռուսաստանում:
Դեսպանը նշել է, որ ինքը հակված չէ որևէ ենթատեքստ տեսնել այն փաստի մեջ, որ Հայաստանի մի շարք նախկին բարձրաստիճան պաշտոնյաներ թաքնվում են Ռուսաստանի Դաշնության տարածքում:
«Եթե անձը գտնվում է Ռուսաստանում, դա չի նշանակում, որ ստացել է քաղաքական ապաստան: Ինչ վերաբերում է Պողոսյանին, ապա, իմ տեղեկություններով, մենք խոսում ենք իրավական ընթացակարգի մասին, անհրաժեշտ փաստաթղթերի տրամադրում: Ես որևէ միտում կամ ենթատեքստ չեմ տեսնում: Հայաստանի նոր իշխանություններին ուղղված հաղորդագրությունը պարզ է. մենք ռազմավարական դաշնակիցներ և գործընկերներ ենք, եղբայրական ժողովուրդներ և երկրներ: Ոչ մի դեպքում Ռուսաստանի դիրքորոշումն այս առումով չի փոխվել: Որքան հասկանում եմ, դա համահունչ է Հայաստանի ղեկավարության դիրքորոշմանը»,- շեշտել է Ռուսաստանի դեսպանը:
0Comments