Արհեստական ինտելեկտը կարող է վերջ դնել շատ աշխատատեղերի. Իլոն Մասկ

^{Արհեստական ինտելեկտը կարող է վերջ դնել շատ աշխատատեղերի, կարծում է Tesla-ի գլխավոր տնօրեն Իլոն Մասկը։ «ԱԻ-ն աշխատանքն կարծես թե անիմաստ կդարձնի»,- ասել է Մասկը՝ ելույթ ունենալով Շանհայում Արհեստական ինտելեկտի համաշխարհային կոնֆերանսում, տեղեկացնում է CNBC-ն։}

^{Նրա խոսքով՝ այս համատեքստում պակաս խոցելի կլինեն արհեստական ինտելեկտի ծրագրային ապահովման մասնագետները, ինչի առիթով Մասկը խորհուրդ է տվել երիտասարդությանն ուսումնասիրել ինժեներական գործը։ Այնուամենայնիվ, Մասկը համոզված է, որ ԱԻ-ն արդյունքում կսովորի ինքնուրույն ստեղծել սեփական ծրագրային ապահովումը»։}

^{Մասկի մեկնաբանությունները հնչել են գլոբալ աշխատուժի վրա տեխնոլոգիաների ազդեցության մասին աճող բանակռիվների համատեքստում։ Համաշխարհային տնտեսական համաժողովը կանխատեսել է, որ մինչեւ 2022 թվականը կվերանա 75 մլն աշխատատեղ։}

^{Սակայն ամեն բան այդքան մռայլ չէ։ Մասկն ասել է, որ մարդկային փոխգործակցության կողմնորոշում ունեցող բիզնեսը կշարունակի բարգավաճել անգամ արագ փոփոխվող աշխատանքի պայմաններում։}

^{«Մարդկանց հիմնականում դուր է գալիս շփվել այլ մարդկանց հետ»,- ասել է նա։ «Եթե դուք աշխատում եք այն ուղղությամբ, ինչը կապված է մարդկանց կամ մշակումների հետ, դա, հավանաբար, լավ մոտեցում է»,- ասել է նա։}