4 թաքնված խնդիր, որոնց պատճառով նիհարել չի հաջողվում

^{Եթե ճիշտ եք սնվում եւ ֆիզիկապես ակտիվ եք, բայց, միեւնույն է, նիհարել չի հաջողվում, հնարավոր է խնդիրներ ունեք, որոնց մասին առայժմ չեք կռահում:}

^{Վահանաձեւ գեղձի խնդիր}

^{Վահանաձեւ գեղձի որոշ հիվանդություններ, օրինակ՝ հիպոտիրեոզը, ձեզ կխանգարեն նիհարել: Ավելին՝ վահանաձեւ գեղձի հորմոնների արտադրման նվազումը հաճախ բերում է ավելորդ քաշի հավաքման: Ուստի, եթե իսկապես ջանում եք, բայց նիհարել չեք կարողանում, դիմեք էնդոկրինոլոգին:}

^{Մակերիկամների աշխատանքի շեղումներ}

^{Մակերիկամների աշխատանքի շեղումները կարող են բերել կորտիզոլ հորմոնի արտադրման մեծացման, որը հայտնի է նաեւ որպես սթրեսի հորմոն: Այս հորմոնը մարդու մոտ առաջացնում է մեծ եւ վատ վերահսկվող ախորժակ:}

^{Քնի պակաս եւ սթրես}

^{Քնի պակասը եւ սթրեսը խնդիրներ են, որոնց այսօր, հավանաբար, բախվում է յուրաքանչյուրը: Իրականում, սակայն, այս խնդիրներն այնքան էլ անմեղ չեն, ինչպես կարող է թվալ. թե՛ քնի պակասը, թե՛ սթրեսը ախորժակը մեծացնում են եւ նպաստում ճարպաշերտերի կուտակմանն ու ավելորդ քաշ հավաքելուն:}

^{D3 վիտամինի պակաս}

^{D3 վիտամինն անհրաժեշտ է օրգանիզմի կողմից կալցիումի նորմալ յուրացմանը, որը նյութափոխանակության համար անչափ կարեւոր տարր է: Այս վիտամինի պակասը կարող է նպաստել մետաբոլիկ խանգարումների զարգացմանը, ախորժակի սրմանը, դեպրեսիայի առաջացմանը, գրում է  NEWS.am Medicine}