Ինչպես ինքնուրույն օծանելիք պատրաստել

Օծանելիք պատրաստելու համար առաջին հերթին պետք է ընտրել բույրի երեք նոտաները՝ վերին, միջին, ստորին
օծանելիք

Եւ կանայք, եւ տղամարդիկ ցանկանում են լավ օծանելիք օգտագործել եւ ինչու ոչ, դրա օգնությամբ գրավել հակառակ սեռի ներկայացուցիչներին։ Ավելին, յուրաքանչյուր կին եւ տղամարդ երազում է իր անհատական բույրի մասին, որն անկրկնելի եւ բնորոշ կլինի միայն իրեն։ Ուստի, առաջարկում ենք օծանելիք պատրաստել տնային պայմաններում։

Օծանելիք պատրաստելու համար առաջին հերթին պետք է ընտրել բույրի երեք նոտաները՝ վերին, միջին, ստորին. առաջինի դեպքում հարկավոր է ընտրել ավելի ցնդող եթերային յուղեր, իսկ վերջին երկուսի պարագայում՝ ավելի քիչ։ Պետք է հաշվի առնել նոտաների համամասնությունը. մեկ բաժին՝ վերին նոտայի, երկու բաժին՝ միջին կամ «սրտի» նոտայի, երեք բաժին հիմնական նոտայի համար։

Այսպիսով, նման համամասնությամբ յուղերը խառնելուց հետո ստացված զանգվածը հարկավոր է լցնել օծանելիքի հիմքի վրա. օծանելիքի հիմք կարող է ծառայել թորած ջրի մեջ տարրալուծված սպիրտը (կամ օղին), բույր չունեցող յուղը (օրինակ՝ ձիթապտղի կամ ժոժոպայի յուղ)։ Եթերային յուղերի եւ օծանելիքի հիմքը պետք է օգտագործել 3/7 համամասնությամբ։

Ի դեպ, սկզբում հարկավոր է քիչ քանակությամբ պատրաստել՝ օգտագործելով ընդամենը մի քանի կաթիլ եթերային յուղեր։ Այնուհետեւ եթե օծանելիքն իսկապես հաճելի լինի ձեզ, կարելի է ավելի մեծ քանակությամբ պատրաստել։

 

 

Աղբյուրը՝ parfumcours.ru