Մեր տեղեկություններով` ռուսաստանահայ գործարար Սամվել Կարապետյանը վերջերս արտահայտվել է, թե ում է տեսնում Հայաստանի ապագա վարչապետի պաշտոնում, հայտնում է hayeli.am-ը:
Ինչպես արդեն ավելի վաղ գրել ենք, Սամվել Կարապետյանը Հայաստան կատարած այցերից մեկի ժամանակ հանդիպում է ունեցել երկրորդ նախագահ Ռոբերտ Քոչարյանի հետ և մոտ 2-ժամանոց զրույց ունեցել նրա հետ:
Նրանք խոսել են տարբեր հարցերի, հատկապես նաև տնտեսության զարգացման ժամանակակից մարտահրավերների, արդյունաբերական հեղափոխության և բազմաթիվ այլ հարցերի մասին:
Հանդիպումից հետո Սամվել Կարապետյանը բարձր տպավորությամբ է արտահայտվել Քոչարյանի տնտեսական ընկալումների և մոտեցումների մասին:
Մեր տեղեկություններով` մի քանի անգամ նեղ շրջանակում Կարապետյանը համոզմունք է հայտնել, որ Քոչարյանը միակ մարդն է, ով ի վիճակի է Հայաստանը դուրս բերել ճգնաժամից, ուստի ինքը հենց նրան է տեսնում Հայաստանի ապագա վարչապետ:
0Comments